حقیقی خوشی کا راز – اردو گلدستہ
ایک ٹیلی فونک انٹرویو میں ریڈیو اناؤنسر نے اپنے مہمان
سے جو ایک عرب کروڑ پتی شخص تھا ، پوچھا :" زندگی میں سب سے زیادہ خوشی آپ کو
کس چیز میں محسوس ہوئی؟"
وہ کروڑ پتی شخص بولا:
میں زندگی میں خوشیوں کے چار مراحل سے گزرا ہوں اور آخر
میں مجھے حقیقی خوشی کا مطلب سمجھ میں آیا کہ حقیقی خوشی کن باتوں میں ہے
سب سے پہلا مرحلہ تھا مال اور اسباب جمع کرنے کا۔ لیکن اس
مرحلے میں مجھے وہ خوشی نہیں ملی جو مجھے مطلوب تھی۔ پھر دوسرا مرحلہ آیا قیمتی سامان
اور اشیاء جمع کرنے کا۔ لیکن مجھے محسوس ہوا کہ اس چیز کا اثر بھی وقتی ہے اور قیمتی
چیزوں کی چمک بھی زیادہ دیر تک برقرار نہیں رہتی۔
پھر تیسرا مرحلہ آیا بڑے بڑے پروجیکٹ حاصل کرنے کا۔ جیسے
فٹ بال ٹیم خریدنا، کسی ٹورسٹ ریزارٹ وغیرہ کو خریدنا۔ لیکن یہاں بھی مجھے وہ خوشی
نہیں ملی جس کا میں تصور کرتا تھا۔
چوتھی مرتبہ ایسا ہوا کہ میرے ایک دوست نے مجھ سے کہا کہ
میں کچھ معذور بچوں کے لیے وہیل چیرس خریدنے میں حصہ لوں۔
دوست کی بات پر میں نے فوراً وہیل چیرس خرید کر دے دیں۔
لیکن دوست کا اصرار تھا کہ میں اس کے ساتھ جا کر اپنے ہاتھ سے وہ وہیل چیرس ان بچوں
کے حوالے کروں۔ میں تیار ہو گیا اور اس کے ساتھ گیا. وہاں میں نے ان بچوں کو اپنے ہاتھوں
سے وہ کرسیاں دیں۔ میں نے ان بچوں کے چہروں پر خوشی کی عجیب چمک دیکھی۔ میں نے دیکھا
کہ وہ سب کرسیوں پر بیٹھ ادھر ادھر گھوم رہے ہیں اور جی بھر کے مزہ کر رہے ہیں۔ ایسا
معلوم ہوتا تھا کہ وہ کسی پکنک پوائنٹ پر آئے ہوئے ہیں۔
لیکن مجھے حقیقی خوشی کا احساس تب ہوا جب میں وہاں سے جانے
لگا اور ان بچوں میں سے ایک نے میرے پیر پکڑ لیے۔ میں نے نرمی کے ساتھ اپنے پیر چھڑانے
کی کوشش کی لیکن وہ بچہ میرے چہرے کی طرف بغور دیکھتا ہوا میرے پیروں کو مضبوطی سے
پکڑے رہا۔
میں نے جھک کر اس بچے سے پوچھا : کیا آپ کو کچھ اور چاہیے؟
اس بچے نے جو جواب مجھے دیا اس سے مجھے معلوم ہوا کہ
خوشی کاتعلق کس چیز سے ہے، خوشی کا معنی کیاہے۔ اس بچے نے نہ صرف مجھے حقیقی خوشی سے
روشناس کرایا بلکہ میری زندگی کو پوری طرح بدل کر رکھ دیا۔ اس بچے نے کہا: میں آپ کے
چہرے کے نقوش اپنے ذہن میں بٹھانا چاہتا ہوں تاکہ جب جنت میں آپ سے ملوں تو آپ کو پہچان
سکوں اور ایک بار اپنے رب کے سامنے بھی آپ کا شکریہ ادا کر سکوں۔
خوش کیسے رہیں؟
جو لوگ اکثر سوال کرتے نظر آتے ہیں کہ آخر ہم خوش کیسے رہیں۔ انہیں چاہئیے کہ اللہ کے دیے ہوئے مال سے اس کے رستے میں خرچ کرنا شروع کردیں۔ صدقہ دیں اور پھر دیکھیں رب ایسی جگہوں سے عطا کرے گا جہاں سے وہم وگمان میں بھی نہیں ہوگا۔آزمائش شرط ہے۔
ایک تبصرہ شائع کریں