کراچی دنیا کے آلودہ ترین شہروں میں پہلے نمبر پر - اردو گلدستہ
تفصیلات کے مطابق کراچی دنیا کے آلودہ ترین شہروں میں
پہلے نمبر پر آ گیا جب کہ لاہور آلودہ شہروں کی فہرست میں دوسرے نمبر پر ہے۔
ایئر کوالٹی انڈیکس کے مطابق ملک کا سب سے بڑا شہر اور
معاشی حب کراچی دنیا کے آلودہ ترین شہروں میں پہلے نمبر پر آ گیا ہے۔ کراچی کی فضا
میں آلودہ ذرات کی مقدار 254 پر ٹیکیولیٹ میٹرز ریکارڈ کی گئی ہے۔
اسی طرح پاکستان کا دوسرا بڑا شہر لاہور دنیا کے آلودہ
ترین شہروں کی فہرست میں بھی دوسرے نمبر پر موجود ہے۔
ماہرین ماحولیات کے مطابق اگر فضا میں ایئر کوالٹی انڈیکس
صفر سے 50 تک ہو تو فضائی آلودگی نہ ہونے کے برابر ہے اور ماحول کو بہتر کہا جا
سکتا ہے۔
اگر ايئر کوالٹی انڈیکس کی ریڈنگ51 سے 100 کے درمیان ہو
تو ماحولیاتی آلودگی خطرے سے باہر تصور کی جائے گی۔ اور اگر یہی ریڈنگ 101 سے 150
کے درمیان پہنچ جائے تو حساس طبیعت کے مالک افراد کے لیے فضا مضر صحت تصور کی جاتی
ہے۔
اسی طرح اے کیو آئی کی ریڈنگ 151 سے 200 تک چلی جائے تو
ماحول مکمل طور پر صحت کے لیے نقصان دہ ہو جائے گا۔ 200 سے 300 کے درمیان اے کیو
آئی ریڈنگ ریکارڈ ہونے کا مطلب ہے فضا انتہائی آلودہ ہو چکی ہے اور اس میں رہنا
خطرے سے خالی نہیں جب کہ 300 سے زائد اے کیو آئی کو صحت کیلئے خطرناک ترین تصور کیا
جائے گا۔
ایک تبصرہ شائع کریں