پی ٹی آئی کے رہنما فواد چوہدری کو پولیس نے حراست میں لے لیا

تفصیلات کے مطابق پاکستان تحریک انصاف کے رہنما فرخ حبیب نے کہا ہے کہ فواد چوہدری کو پولیس نے ان کی رہائش گاہ سے حراست میں لیا ہے۔

پی ٹی آئی کے رہنما فرخ حبیب نے اپنی ایک ٹوئٹ میں دعویٰ کیا ہے کہ فواد چوہدری کو پولیس نے ان کے گھر سے صبح گرفتار کیا ہے۔

فواد چوہدری کو پولیس نے ان کے گھر سے ابھی گرفتار کرلیا ہے۔ امپورٹڈ حکومت بوکھلاہٹ کا شکار ہوگئی ہے

— Farrukh Habib (@FarrukhHabibISF) January 25, 2023

فرخ حبیب نے لکھا کہ امپورٹڈ حکومت بوکھلاہٹ کا شکار ہے۔

اہم پولیس کے ذرائع کے مطابق پی ٹی آئی رہنما فواد چوہدری کو اسلام آباد پولیس نے لاہور میں ٹھوکر نیاز بیگ کے قریب ان کے گھر سے انہیں گرفتار کیا ہے۔

باخبر ذرائع کے مطابق فواد چوہدری کو فی الحال لاہور میں ہی نامعلوم مقام پر رکھا گیا ہے تاہم کچھ دیر میں انہیں اسلام آباد منتقل کیا جائے گا۔