میسی کی شرٹس 78 لاکھ ڈالرز میں نیلام کردی گئیں
تفصیلات کے مطابق فیفا ورلڈ کپ کے دوران فٹبالر لیونل میسی
کی پہنی گئی 6 جرسیاں 78 لاکھ ڈالرز میں نیلام کر دی گئیں۔ فروخت ہونے والی جرسیاں
نیلامی سے قبل نیویارک میں نمائش کے لیے بھی رکھی گئی تھیں۔
ذرائع کے مطابق ارجنٹائن کے اسٹار فٹبالر لیونل میسی کی
نیلام کی جانے والی 6 جرسیاں انہوں نے گزشتہ فیفا ورلڈ کپ میں پہنی تھیں۔ نیلام ہونے والی جرسیوں میں وہ شرٹ بھی شامل تھی
جو انہوں نے فرانس کے خلاف ورلڈ کپ فائنل میں پہنی تھی۔ نیلامی میں میسی کی جرسیاں
خریدنے والے کے بارے میں تفصیلات نہیں بتائی گئیں۔
Set of 6 #Messi World Cup shirts sells for $7.8 million at auction in #NewYork pic.twitter.com/wcj47Hemn5
— The News Line (@Newz_line) December 16, 2023
سماجی رابطے کی ایک ویب سائٹ کے مطابق اسٹار فٹبالر کی
جرسیوں کی نیلامی سے حاصل ہونے والی رقم کا ایک حصہ بارسلونا کے چلڈرن اسپتال کو
عطیہ کیا جائے گا۔
نیلامی سے پہلےکھیلوں کے ماہرین کی جانب سے یہ بھی خیال
کیا جارہا تھا کہ میسی کی ان جرسیوں کی نیلامی ایک کروڑ ڈالر سے زائد میں ہوسکتی
ہے جو کہ کھیل کی تاریخ میں اب تک کی سب سے قیمتی نیلامیوں میں سے ایک ہوگی لیکن ایسانہیں
ہوسکا۔
ایک تبصرہ شائع کریں