لاہور میں فری وائی فائی پائلٹ پراجیکٹ کی منظوری
تفصیلات کے مطابق وزیر اعلیٰ پنجاب مریم نواز نے لاہور میں فری وائی فائی پائلٹ پراجیکٹ کی منظوری دے دی، اس پروجیکٹ کے تحت شہر کے مختلف مقامات پر فری وائ فائی پوائنٹس نصب کیے جائیں گے۔
ذرائع کے مطابق وزیر اعلیٰ پنجاب مریم نواز کی زیرِ صدارت اجلاس میں بتایا گیا کہ لاہور میں 10 مقامات پر فری وائی فائی پراجیکٹ کا آغاز 2 ہفتے میں کر دیا جائے گا۔
مریم نواز کی جانب سے شہر میں 516 مقامات پر فری وائی فائی پوائنٹس بنائے جانے کے احکامات دیئے گئے ہیں۔ ان مقامات میں تعلیمی اداروں، ایئر پورٹس، ریلوے اسٹیشنز اور بس اسٹینڈز پر ترجیحاً فری وائی فائی شروع کرنے کی ہدایت کی گئی ہے۔
The Chief Minister #MaryamNawaz directed to start free Wi-Fi preferably at educational institutions, airports, railway stations and bus stands, saying that the free Wi-Fi project will start at 10 places in #Lahore in two weeks, free Wi-Fi points should be installed at 516 places.
— The News Line (@Newz_line) March 12, 2024
اجلاس میں بریفنگ کے دوران بتایا گیا کہ لاہور میں آئی ٹی، ایجوکیشن اور فلم سٹی پراجیکٹ کا جلدآغاز ہو گا، مائیکرو سافٹ، اوریکل اور دیگر بڑی کمپنیوں نے آئی ٹی سٹی کے لیے آمادگی ظاہر کر دی ہے، اجلاس میں لاہور میں 21 منزلہ ارفع کریم ٹاور 2 بنانے کی بھی منظوری دی گئی ۔
وزیراعلی پنجاب کی جانب سے چین کی بڑی آئی ٹی کمپنیوں کو آفس بنانے کے لیے مدعو کرنے کی ہدایت کرتے ہوئے کہا گیا کہ دنیا کی بہترین آئی ٹی کمپنیوں کو آئی ٹی سٹی میں بزنس کے مواقع فراہم کریں گے۔
ایک تبصرہ شائع کریں